【以淘搜途】快閃澳門輕旅行 葡式打卡勝地

快閃澳門輕旅行 葡式打卡勝地

即刻跟【旅淘】遊澳門 ！

香港經港珠澳大橋僅 45 分鐘車程嘅澳門，係唔少人快閃輕旅行之選！當地仍然保留唔少歐式建築 ，跟住以下景點，影出具異國風情嘅打卡靚相！

打卡首選：龍環葡韻

位於離氹仔賭場區約 15 分鐘步程，一座座湖水綠色葡國建築座落前紅樹林濕地邊，已化成住宅式博物館嘅龍環葡韻亦係澳門著名八景之一 ！

取景勝地：路環聖方濟各聖堂

屬於巴洛克式建築，外牆係亮麗嘅黃、藍色，配上藍天白雲令教堂更亮眼！教堂前方嘅馬忌士前地黑白波浪紋，為呢座教堂再添特色。

戀人必去：戀愛巷

左右兩旁係歐洲風特色建築，中間係滿鋪碎石嘅小路，每位途人都會係戀愛巷影靚相 有傳行過戀愛巷嘅人，會比較容易遇上真愛！

歷史遺蹟：東望洋燈塔

中國沿海最古老嘅東望洋燈塔 ，保留咗世上僅存嘅兩盞巨型水晶射燈。襯托著一旁嘅聖母雪地殿小教堂，眺望周遭景致！